ნაპოლი vs ატალანტა – ქვიზი

ნაპოლისა და ატალანტას ურთიერთდაპირისპირებებს სამი ჰეთ-თრიკი ახსოვს. ჩამოთვლილთაგან დაასახელე, რომელ ფეხბურთელს არ დაუტოვებია მოედანი 3 გოლით ამ გუნდების გადაკვეთისას? *

1990 წელს, ჩემპიონობისთვის მილანი და ნაპოლი იბრძოდნენ, 3 ტურით ადრე ნეაპოლელები ბერგამოში ჩავიდნენ და ისე გაიმარჯვეს, რომ გოლიც კი არ გაუტანიათ. ნაპოლის ბრაზილელ ფეხბურთელს, ატალანტას გულშემატკივრებმა მონეტა ესროლეს და მოარტყეს. დაასახელე ნაპოლის ეს ფეხბურთელი, თუ გეტყვი, რომ მისი მეტსახელი პორტუგალიურად „გერმანელს“ ნიშნავს და მისი მომდევნო კლუბი სწორედ ატალანტა იყო. *

ნაპოლისა და ატალანტას მატჩს უკავშირდება ერთი ლეგენდარული ფეხბურთელის დიდ სცენაზე გამოჩენაც. ნეაპოლურ-ბერგამოულ დაპირისპირებაში ამ იტალიელმა პირველი გოლი გაიტანა ნაპოლის მაისურით. დაასახელე, რომელმა ფეხბურთელმა შეძლო ეს, თუ მიგანიშნებ, რომ დიეგო მარადონამ მასზე ასეთ რამ თქვა: „საბოლოოდ მათ მოახერხეს და ჩემზე დაბალი ვინმე იყიდეს." *

ჯან პიერო გასპერინის ანტონიო კონტე მხოლოდ ერთხელ ჰყავს დამარცხებული. თუმცა თუ იცი, ანტონიო კონტეს, როგორც მწვრთნელს, რამდენი მარცხი აქვს უშუალოდ ატალანტას წინააღმდეგ ჩატარებული 12 მატჩიდან? *

გახსოვს, ვინ იყო ნეაპოლელთა მთავარი მწრვთნელი, მაშინ, როდესაც სტადიო დიეგო არმანდო მარადონაზე ნაპოლიმ აბსოლუტური ფიასკო განიცადა და ატალანტასთან 0:3 დამარცხდა? *

სერია A-ს მიმდინარე სეზონის განმავლობაში ჰეთ-თრიკი მხოლოდ ორ ფეხბურთელს აქვს. ერთ-ერთი მარკუს ტურამია, მეორე კი ეს იტალიელი, რომელსაც თინეიჯერობის წლები, როგორც რივერ პლეიტის, ისე ბოკა ხუნიორსის აკადემიაში აქვს გატარებული. დაასახელე ეს ფეხბურთელი. *

კარგად გვახსოვს ნაპოლის შთამბეჭდავი სეზონი და შედეგად 2023 წლის ოქროს ბურთის 30 ნომინანტს შორის მოხვედრილი ვიქტორ ოსიმენი და ხვიჩა კვარაცხელია. 2024 წლის ოქროს ბურთის ნომინანტებს შორის ნეაპოლელთა მხრიდან არავინ იყო, მაგრამ ატალანტას ჰყავდა თავისი წარმომადგენელი, რომელიც იყო...? *

ატალანტასა და ნაპოლის შორის 1990 წლის აპრილში გამართული შეხვედრა, უკანასკნელი მატჩი იყო ფეხბურთელის ამპლუაში ამ იტალიელისთვის, რომელიც შემდგომ არაერთი იტალიური კლუბისა და ეროვნული ნაკრების მწვრთნელიც ყოფილა. დაასახელეთ ის. *